اینڈرائیڈ فون میں انٹرنیٹ کی اسپیڈ تیز کرنے کا آسان طریقہ سامنے آگیا

اینڈرائیڈ فون استعمال کرنے والے اکثر اس مسئلے سے دوچار ہوتے ہیں کہ ویب پیج لوڈ نہیں ہوتے، ویڈیوز رُک جاتی ہیں یا ایپس دیر سے کھلتی ہیں۔ اس کی بنیادی وجہ سست انٹرنیٹ کنکشن یا موبائل فون کی غیر مؤثر سیٹنگز ہوتی ہیں۔

خوش قسمتی سے چند آسان ٹپس اور ٹرکس کے ذریعے اینڈرائیڈ فون میں انٹرنیٹ کی رفتار بہتر بنائی جا سکتی ہے۔ سب سے پہلا طریقہ ائیرپلین موڈ کا استعمال ہے۔ اینڈرائیڈ فون میں ائیرپلین موڈ عام طور پر وائرلیس سگنلز بند کرنے کے لیے ہوتا ہے تاکہ دوران پرواز فون کے افعال متاثر نہ ہوں۔ لیکن یہ ٹِپ انٹرنیٹ کی رفتار بڑھانے کے لیے بھی مفید ہے۔

 فون دن بھر مختلف موبائل ٹاورز سے سگنلز حاصل کرتا ہے اور کبھی بہترین کنکشن حاصل نہیں کر پاتا۔ اگر ائیرپلین موڈ آن کر کے کچھ دیر بعد آف کر دیا جائے تو فون دوبارہ بہترین موبائل ٹاور سے جڑتا ہے، جس سے انٹرنیٹ کی رفتار میں واضح اضافہ ہوتا ہے۔

دوسرا اہم طریقہ cache فائلز کو کلیئر کرنا ہے۔ اینڈرائیڈ فون میں ایپس اور ویب سائٹس کے استعمال سے کچھ ڈیٹا محفوظ ہو جاتا ہے، جسے cache کہا جاتا ہے۔ یہ فائلز عارضی طور پر مددگار ہوتی ہیں، مگر جب یہ بہت زیادہ ہو جائیں تو فون کی کارکردگی اور انٹرنیٹ کی رفتار متاثر ہوتی ہے۔ cache صاف کرنے کے لیے سیٹنگز میں جائیں، ایپس کا انتخاب کریں، اسٹوریج اور پھر کلیئر cache کا آپشن استعمال کریں۔ اس عمل سے فون تیز اور بہتر کام کرنے لگتا ہے۔

یہ آسان اقدامات کرنے سے نہ صرف ویڈیوز اور ویب سائٹس جلدی کھلیں گی بلکہ ڈاؤن لوڈ اور اپ لوڈ کی رفتار بھی بہتر ہو جائے گی۔ اس طرح اینڈرائیڈ صارفین بغیر کسی اضافی ایپ یا مہنگے انٹرنیٹ پیکیج کے اپنی موبائل انٹرنیٹ کا بہترین استعمال کر سکتے ہیں۔