موبائل فون صارفین خبردار!! پی ٹی اے کا اہم اعلان

پاکستان ٹیلی کمیونیکیشن اتھارٹی (پی ٹی اے) نے ملک بھر کے صارفین کو آگاہ کیا ہے کہ موبائل ڈیوائس رجسٹریشن کا عمل دو دن کے لیے عارضی طور پر معطل رہے گا۔

پاکستان ٹیلی کمیونیکیشن اتھارٹی کے مطابق موبائل فون رجسٹریشن کا سسٹم 6 دسمبر کی رات 10 بجے سے بند ہوگا۔ یہ معطلی 7 دسمبر کی شام تک جاری رہے گی۔ اس دوران ڈیوائس آئیڈینٹیفکیشن، رجسٹریشن اینڈ بلاکنگ سسٹم یعنی DIRBS مکمل طور پر غیر فعال رہے گا، جس کے باعث صارفین نئی ڈیوائس رجسٹر نہیں کر سکیں گے۔

اتھارٹی نے عوام سے درخواست کی ہے کہ اگر کسی شہری نے اپنا موبائل فون رجسٹر کروانا ہے تو وہ سسٹم بند ہونے سے پہلے ضروری کارروائی مکمل کر لے۔ پی ٹی اے کا کہنا ہے کہ اس قدم کا مقصد عوام کو مستقبل میں بہتر اور تیز ترین سروس فراہم کرنا ہے، اس لیے کچھ وقت کے لیے سسٹم کو آف لائن کرنا ضروری تھا۔