بیرون ملک مقیم پاکستانیوں کو پی ٹی اے نے بڑی خوشخبری سنادی

پاکستان ٹیلی کمیونیکیشن اتھارٹی (پی ٹی اے) نے بیرون ملک مقیم پاکستانیوں کے لیے اہم فیصلہ کیا ہے۔ اب تارکین وطن اپنی پاکستانی موبائل سم کے استعمال میں تسلسل برقرار رکھ سکیں گے۔ اس کا مطلب یہ ہے کہ بیرون ملک قیام کے دوران ان کی سم بلاک نہیں کی جائے گی۔

پی ٹی اے کے مطابق سمندر پار پاکستانی اپنی موبائل سم کی ملکیت برقرار رکھ سکیں گے۔ اس سہولت سے فائدہ اٹھانے کے لیے صارفین متعلقہ موبائل کمپنی سے رجوع کر سکتے ہیں۔ اس اقدام کا مقصد بیرون ملک پاکستانیوں کو ضروری مواصلاتی سہولیات تک مسلسل رسائی فراہم کرنا ہے۔

پی ٹی اے کے ترجمان نے کہا کہ اتھارٹی بیرون ملک پاکستانیوں کو بااختیار بنانے کے لیے پرعزم ہے۔ اتھارٹی عالمی سطح پر ڈیجیٹل رابطوں کی توسیع کے لیے بھی متحرک ہے۔ اس فیصلے سے نہ صرف بیرون ملک پاکستانیوں کی سہولت میں اضافہ ہوگا بلکہ وہ اپنے ملک کے ساتھ بہتر رابطے میں رہ سکیں گے۔