موبائل فون خریدنے کے خواہشمند پاکستانیوں کیلئے بڑی خوشخبری

ڈائریکٹوریٹ جنرل آف کسٹمز ویلیوایشن کراچی نے 62 اقسام کے استعمال شدہ اور پرانے برانڈڈ موبائل فونز کی درآمد کے لیے نئی کسٹمز ویلیوز کا اعلان کر دیا ہے۔ اس اقدام کا مقصد درآمدی ڈیوٹیز اور ٹیکسز کو عالمی منڈی میں موجود قیمتوں کے مطابق ہم آہنگ کرنا ہے۔

اس سلسلے میں ڈائریکٹوریٹ نے ویلیوایشن رولنگ نمبر 2035 آف 2026 جاری کی ہے۔ نئی ویلیوز کا اطلاق کمرشل بنیادوں پر بغیر پیکنگ اور لوازمات کے درآمد کیے جانے والے استعمال شدہ موبائل فونز پر ہوگا۔ ان میں ایپل، سام سنگ، گوگل پکسل اور ون پلس جیسے برانڈز شامل ہیں۔

حکام کا کہنا ہے کہ سابقہ ویلیوایشن رولنگ ڈیڑھ سال سے زائد پرانی ہو چکی تھی اور عالمی مارکیٹ کے حالیہ حالات کی عکاسی نہیں کر رہی تھی۔ اس دوران کئی نئے اسمارٹ فون ماڈلز مارکیٹ میں آ چکے تھے جبکہ پرانے ماڈلز اپنی مدت استعمال پوری کر چکے تھے۔ اس وجہ سے ڈیپریسی ایشن میں تبدیلی ضروری ہو گئی تھی۔

کسٹمز حکام نے کسٹمز ایکٹ 1969 کی دفعات 25 اور 25A کے تحت نئی ویلیوایشن کا عمل شروع کیا۔ نئے رولنگ کے تحت کسٹمز ڈیوٹیز اور دیگر ٹیکسز مقررہ ویلیوز کے مطابق لگیں گے، چاہے موبائل فونز کی حالت یا گریڈ کچھ بھی ہو۔

رولنگ کے مطابق درآمد شدہ استعمال شدہ فونز کو پاکستان برآمد کرنے سے کم از کم چھ ماہ پہلے ایکٹیویٹ کرنا ضروری ہے۔ درآمد کنندگان کو ایکٹیویشن کی مدت ظاہر کرنی ہوگی جس کی تصدیق متعلقہ سیسنگ افسران کریں گے۔

یہ اقدام درآمد کنندگان کے لیے شفافیت لانے اور کسٹمز کلیمز کو عالمی معیار کے مطابق کرنے میں مددگار ثابت ہوگا۔