ایپل کا پہلا فولڈ ایبل آئی فون کیسا ہوگا؟ پہلی جھلک سامنے آگئی

ایپل کی جانب سے اپنے پہلے فولڈ ایبل آئی فون پر کام جاری ہے۔ تازہ لیکس میں اس فون کے ڈیزائن اور فیچرز سے متعلق کئی نئی باتیں سامنے آئی ہیں۔ ماہرین کے مطابق یہ ڈیوائس ایپل کی روایتی ڈیزائن پالیسی سے کافی حد تک مختلف ہوگی۔

رپورٹس کے مطابق فولڈ ایبل آئی فون کا کیمرا ڈیزائن عام آئی فونز جیسا نہیں ہوگا۔ اس میں ایک سادہ مگر جدید بلیک کیمرا بار دیے جانے کا امکان ہے۔ اس سیٹ اپ میں دو کیمرے، ایک مائیکروفون اور فلیش شامل ہوں گے۔ مجموعی طور پر فون کی شکل آئی پیڈ پرو سے ملتی جلتی ہو سکتی ہے۔

لیک میں یہ بھی بتایا گیا ہے کہ فون کے بٹنوں کی جگہ میں بڑی تبدیلی کی جائے گی۔ والیوم بٹن کو اوپری دائیں کونے میں منتقل کیے جانے کا امکان ہے۔ پاور بٹن میں ٹچ آئی ڈی شامل ہوگا۔ جبکہ کیمرا کنٹرول بٹن بھی دائیں جانب ہوگا۔ فون کے بائیں حصے میں کوئی بٹن نہیں ہوگا، تاکہ فولڈ اور ان فولڈ حالت میں استعمال آسان رہے۔

فولڈ ایبل آئی فون میں فیس آئی ڈی شامل نہیں ہوگی۔ فرنٹ کیمرا کو چھوٹے ڈائنامک آئی لینڈ میں دیا جائے گا۔ اس تبدیلی سے یہ فون دیگر فولڈ ایبل اسمارٹ فونز سے مختلف نظر آئے گا۔

ڈسپلے کے حوالے سے بتایا گیا ہے کہ فون کھلنے پر 7.8 انچ کی بڑی اسکرین دے گا۔ بند حالت میں اس کی اسکرین 5.5 انچ ہوگی۔ اندرونی طور پر اے 20 پرو چِپ شامل کیے جانے کا امکان ہے۔ بیٹری کی گنجائش تقریباً 5500 ایم اے ایچ ہو سکتی ہے۔

ذرائع کا کہنا ہے کہ ایپل اس فولڈ ایبل آئی فون کو ستمبر 2026 میں متعارف کرائے گا۔ یہ آئی فون 18 پرو سیریز کے ساتھ لانچ ہو سکتا ہے۔ فون کی ابتدائی قیمت 2400 ڈالرز کے قریب ہونے کی توقع ہے۔

اس کے علاوہ رپورٹس میں یہ بھی بتایا گیا ہے کہ ایپل ایک فلپ اسٹائل آئی فون پر بھی کام کر رہا ہے۔ تاہم اس ماڈل کے بارے میں فی الحال زیادہ تفصیلات سامنے نہیں آئیں۔