یوٹیوب صارفین کیلئے اہم خبر آگئی

مقبول میوزک اسٹریمنگ پلیٹ فارم یوٹیوب میوزک نے اپنی نئی پالیسی کے تحت مفت صارفین کے لیے گانوں کے بول دیکھنے کی سہولت محدود کر دی ہے۔

 اب مفت اکاؤنٹ والے صارفین صرف ایک مقررہ حد تک گانوں کے بول دیکھ سکیں گے۔ جب یہ حد پوری ہو جائے گی تو صارفین کو صرف ابتدائی چند الفاظ نظر آئیں گے اور باقی بول چھپا دیے جائیں گے۔ اس کے بعد صارفین کو پریمیم سبسکرپشن لینے کی ترغیب دی جائے گی۔

کمپنی کے مطابق یہ اقدام صارفین کو اضافی سہولیات فراہم کرنے اور انہیں پریمیم پلان کی جانب راغب کرنے کے لیے کیا گیا ہے۔ صارفین کو ایک پیغام کے ذریعے بھی بتایا جائے گا کہ وہ اب مزید کتنے گانوں کے بول دیکھ سکتے ہیں۔ یہ تبدیلی پہلے محدود پیمانے پر آزمائی گئی تھی، لیکن اب اسے بتدریج زیادہ صارفین تک نافذ کیا جا رہا ہے۔