پاکستان کا نیا اسمارٹ سیٹلائٹ نظام متعارف، خلائی اور دفاعی طاقت میں اضافہ

پاکستان کے قومی خلائی ادارے سپارکو نے نیا نظام متعارف کرایا ہے، جسے اسمارٹ سیٹلائٹ ڈیٹا لنک سسٹم کہا جاتا ہے۔

اسمارٹ سیٹلائٹ ڈیٹا لنک سسٹم نامی یہ نظام پاکستان کے خلائی اور دفاعی کاموں کے لیے بہت اہم ہے اور ملک کی حفاظت اور سیٹلائٹ کے استعمال کو آسان بناتا ہے۔

اس نظام کے ذریعے ہوائی جہاز، زمین اور سمندر میں موجود فوجی اور تجارتی مشینوں کے درمیان ڈیٹا، ویڈیو اور آواز کی محفوظ اور مضبوط رابطہ کاری ممکن ہو جاتی ہے۔

یہ بھی پڑھیں : عالمی قیادت کا خلا، مغرب کی کمزوریاں: چین بغیر جنگ عالمی طاقت بن رہا ہے : فنانشل ٹائمز

یہ نظام چھوٹا، ہلکا اور جدید معیار کے مطابق بنایا گیا ہے تاکہ اسے آسانی سے مختلف مشینوں اور نظاموں میں استعمال کیا جا سکے۔

اس میں جدید ٹیکنالوجی استعمال کی گئی ہے جو سیٹلائٹ کی درست اور صحیح نگرانی کو یقینی بناتی ہے۔ سپارکو کے اس نئے نظام سے پاکستان کی سیٹلائٹ سے متعلق نگرانی، فوجی منصوبے اور دفاعی تیاریوں میں نمایاں اضافہ ہوگا، اور ملک کی حفاظت کے لیے یہ ایک اہم قدم ہے۔