موبائل فون خریدنے کے خواہشمند پاکستانیوں کیلئے بڑی خوشخبری آگئی

فیصل بینک نے رمضان المبارک کے موقع پر اپنے آن لائن مارکیٹ پلیس فیصل بینک ڈیجی مال کے ذریعے اسمارٹ فونز پر خصوصی پروموشنل آفر متعارف کروا دی ہے۔

 اس پیشکش کے تحت صارفین Infinix Smart 10 اور Infinix Smart 10 Plus اسمارٹ فونز کو آسان ماہانہ اقساط پر خرید سکیں گے۔ بینک کے مطابق اس آفر میں تین ماہ تک زیرو پروفٹ فنانسنگ کی سہولت بھی فراہم کی جا رہی ہے۔

Infinix Smart 10 (4 جی بی ریم اور 64 جی بی اسٹوریج) کی قیمت 27 ہزار 249 روپے مقرر کی گئی ہے، جبکہ Infinix Smart 10 Plus (4 جی بی ریم اور 128 جی بی اسٹوریج) 31 ہزار 249 روپے میں دستیاب ہوگا۔

 صارفین یہ اسمارٹ فونز ماہانہ اقساط پر خرید سکتے ہیں، جن کی شروعات تقریباً 1 ہزار 113 روپے ماہانہ سے ہوگی۔ یہ اقساط زیادہ سے زیادہ 48 ماہ تک ادا کی جا سکتی ہیں۔

فیصل بینک کے مطابق اس آفر میں فراہم کیے جانے والے تمام اسمارٹ فونز پی ٹی اے سے منظور شدہ ہیں، جس کی بدولت صارفین ملک بھر میں تمام موبائل نیٹ ورکس استعمال کر سکیں گے۔ اس کے علاوہ ڈیجی مال پلیٹ فارم کے ذریعے کیے گئے آرڈرز پر مفت ہوم ڈیلیوری بھی فراہم کی جائے گی۔

یہ رمضان آفر صارفین کو مناسب قیمت پر اسمارٹ فون اپ گریڈ کرنے کا موقع فراہم کرنے کے لیے متعارف کرائی گئی ہے۔ خریدار فیصل بینک کے نور کارڈ کے ذریعے شریعت کے مطابق فنانسنگ سہولت حاصل کر سکتے ہیں۔

فیصل بینک نے واضح کیا ہے کہ یہ محدود مدت کی پیشکش ہے جو 27 مارچ 2026 تک دستیاب رہے گی۔ اس کے بعد اسمارٹ فونز کی قیمتوں اور فنانسنگ کی شرائط میں تبدیلی ہو سکتی ہے۔