حکومت نے اسمارٹ فونز کی خریداری سے متعلق ایک نئی پالیسی متعارف کروا دی

حکومتِ پاکستان نے سرکاری اداروں کے لیے اسمارٹ فونز کی خریداری کے حوالے سے نئی پالیسی جاری کر دی ہے۔

رپورٹس کے مطابق نیشنل انفارمیشن ٹیکنالوجی بورڈ (NITB) کو تقریباً 24,000 نئے اینڈرائیڈ فونز درکار ہیں، جن کی خریداری کے لیے تکنیکی شرائط واضح کر دی گئی ہیں۔ ہر ڈیوائس کے لیے پاکستان ٹیلی کمیونیکیشن اتھارٹی (PTA) کی مکمل منظوری لازمی ہوگی، تاکہ کسی بھی غیر رجسٹرڈ یا غیر معیاری فون کے استعمال سے بچا جا سکے۔

پالیسی میں زور دیا گیا ہے کہ خریدے جانے والے فونز جدید کارکردگی کے حامل ہونے کے ساتھ ساتھ مضبوط سیکیورٹی فیچرز کے حامل بھی ہوں۔ اس میں ڈیٹا پروٹیکشن، محفوظ کمیونیکیشن اور سرکاری سافٹ ویئر سپورٹ کو لازمی قرار دیا گیا ہے۔ تمام فونز نئے (brand-new) ہونے چاہئیں تاکہ ریفربشڈ یا استعمال شدہ موبائلز سے ممکنہ سیکیورٹی خطرات ختم کیے جا سکیں۔