آنکھوں سے گاڑی کھینچنے کا حیرت انگیز ریکارڈ قائم

میلان: لاس ویگاس میں سائڈ شو آرٹسٹ کے طور پر کام کرنے والے ایک شخص نے اپنی آنکھوں سے طاقت کا استعمال کرتے ہوئے دو حیرت انگیز ریکارڈ قائم کردیے۔

اطالوی ٹی وی سیریز لو شو ڈی ریکارڈ میں اینڈریو اسٹینٹن نے آنکھوں کی مدد سے کھینچے گئے سب سے بھاری وزن اور تلوار نگلتے ہوئے دونوں آنکھوں کے خول سے اٹھائے گئے سب سے بھاری وزن کا ریکارڈ اپنے نام کرلیا۔

پہلے ٹائٹل کے لیے اسٹینٹن نے اپنی آنکھوں کے خول پر دھات کے بڑے ہک لگائے اور انہیں ٹی وی شو کے اسٹیج پر 5319.75 پاؤنڈ مالیت کے کیڈیلک اور ڈرائیور کو کھینچنے کے لیے استعمال کیا ہے۔

وہ اپنی تلوار نگل کر اور اپنے 129.63 پاؤنڈ وزنی اسسٹنٹ کو اٹھانے کیلئے اپنی آنکھوں کے خول میں ہکس کا استعمال کرکے دوسرا ٹائٹل حاصل کرنے والے پہلے امیدوار بن گئے۔