یہودیوں نے مغربی کنارے پر دھاوا بول کر فلسطینیوں کے گھر جلا دیے

اسرائیلی آبادکاروں نے صیہونی فوجیوں کی مدد سے مغربی کنارے کے دیہاتوں پر چھاپے مار کر مظلوم فلسطینیوں کے املاک کو نذر آتش کر دیا۔

مقامی فلسطینی میڈیا کے مطابق قابض افواج کی حفاظت میں اسرائیلی آبادکاروں نے مقبوضہ مغربی کنارے میں متعدد فلسطینی دیہاتوں پر دھاوا بولا اور گھروں، کھیتوں اور گاڑیوں کو آگ لگا دی۔

پرتشدد حملوں میں ترمس ایا، طوقہ، حجہ، فراتہ، الفندوق اور اماتین کے دیہاتوں کو نشانہ بنایا گیا، جس کے بعد فلسطینیوں میں ایک بار پھر غم و غصے کی لہر دوڑ گئی۔

ان چھاپوں سے قبل انتہائی دائیں بازو کے اسرائیلی سوشل میڈیا گروپوں نے آباد کاروں پر زور دیا تھا کہ وہ فلسطینی برادریوں کے خلاف فسادات میں شامل ہوں۔

یہ بھی پڑھیں: یمن نے اسرائیل اور امریکی ٹھکانوں پر میزائل برسادیے

یش دین کے حقوق کی تنظیم نے حملوں کی مذمت کرتے ہوئے ایک بیان میں کہا کہ اس بار بھی دیوار پر لکھا ہوا تھا اور گاؤوں میں فسادات کا مطالبہ کرنے والے نوٹس عوامی طور پر آباد کاروں میں تقسیم کیے گئے۔

آبادکاروں کے حملوں میں اضافہ مقبوضہ علاقوں میں تشدد میں ڈرامائی اضافے کے بعد ہوا ہے۔

7 اکتوبر 2023 کو جب اسرائیلی حکومت نے غزہ پر نسل کشی کی مہم شروع کی تو مغربی کنارے میں آبادکاروں کے تشدد میں نمایاں اضافہ ہوا ہے۔

یہ بھی پڑھیں: غزہ میں جرائم؛ اسرائیلی فوجی برازیل سے رات کے اندھیرے میں فرار

فلسطینی صحت کے حکام کے مطابق غزہ میں اسرائیلی فضائی حملوں اور زمینی جارحیت میں کم از کم 45,854 فلسطینی شہید اور 109,000 سے زائد زخمی ہوئے ہیں۔