وزیراعظم کی ایم ڈی آئی ایم ایف سے اہم ملاقات، آئی ایم ایف پروگرام پر تبادلہ خیال
22 جون, 2023 14:49
وزیراعظم شہباز شریف اور مینیجنگ ڈائریکٹر آئی ایم ایف کے درمیان ملاقات ہوئی جس میں آئی ایم ایف پروگرام پر تبادلہ خیال کیا گیا۔
وزیراعظم شہبازشریف اور آئی ایم ایف کی ایم ڈی کے درمیان ملاقات فرانس میں مالیاتی کانفرنس کے دوران سائیڈ لائن پر ہوئی جس میں پاکستان کے لیے جاری آئی ایم ایف پروگرام پر تبادلہ خیال کیا گیا جب کہ اس دوران پاکستان اور آئی ایم ایف کے درمیان تعاون پربھی بات چیت کی گئی۔
وزیراعظم نے عالمی مالیاتی ادارے کی ایم ڈی سے ملاقات میں ان سے 27 مئی کو ہونے والے ٹیلیفونک رابطہ کا بھی ذکرکیا جب کہ شہباز شریف نے ساتھ ہی معاشی استحکام اوربہتری کے لیے اٹھائے گئے اقدامات سے آگاہ کیا۔
وزیراعظم شہباز شریف نے کہا کہ ہم سمجھتے ہیں نویں جائزے کے لیے تمام پیشگی اقدامات کرلیے ہیں، پاکستان آئی ایم ایف کے ساتھ معاہدے کی تکمیل کے لیے پرعزم ہے، امید ہے پاکستان کےلیے مختلف فنڈزجلد جاری کردیے جائیں گے۔
وزیراعظم کا کہنا تھا کہ آئی ایم ایف معاہدے کی تکمیل سے معاشی استحکام میں مدد ملے گی۔
یہ پڑھیں : آئی ایم ایف کے تمام مطالبات پورے کرچکے، امید ہے معاملات خوش اسلوبی سے طے پائیں گے: وزیراعظم
Catch all the بریکنگ نیوز News, دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
