اسرائیلی فوج کے ڈرون حملے میں کارسوار تین فلسطینی شہید

22 جون, 2023 08:21

اسرائیلی فوج کے ڈرون حملے میں کارسوار تین فلسطینی شہید ہوگئے۔

اسرائیلی فوج نے دعویٰ کیا ہے کہ مغربی کنارے کے علاقےجنین میں نشانہ بنائے جانے والی کار میں مشتبہ افراد سوار تھے، حملے کے بعد علاقے میں بھگڈرمچ گئی ۔

دوسری جانب اسرائیلی آباد کاروں نے مغربی کنارے میں گاؤں کو جلا ڈالا۔ حملے میں ایک فلسطینی شہید جبکہ بچوں سمیت متعدد زخمی ہوگئے۔

اسرائیلی آباد کاروں نے پیٹرول اسٹیشن سمیت درجنوں کاریں اور دیگر املاک کو جلادیاگیا،اسرائیلی آبادکار فائرنگ کرتے ہوئے قصبوں میں گھس گئے،فلسطینیوں کا خوشحال قصبہ عیا بھی آگ کے شعلوں کی نذر کردیا گیا۔

یہ پڑھیں : فلسطین میں اسرائیلی فورسز کی فائرنگ سے 2 سالہ بچہ شہید