غزہ میں ہلال احمر کی ایمبولینس پر میزائل حملہ،4افراد شہید

غزہ میں اسرائیلی فوج کے ایمبولینس پر حملے میں فلسطینی ہلال احمر کے 4 کارکن شہید ہوگئے۔

سربراہ فلسطینی ہلال احمر کے مطابق اسرائیل نے وسطیٰ غزہ کے علاقے دیرالبلاح میں ایمبولینس کو نشانہ بنایاہے،اسرائیل نے ایمبولینس کو ٹارگٹ کرکے دوبار حملہ کیا۔

سربراہ فلسطینی ہلال احمر نے کہا کہ اسرائیل طبی ورکرز کی ٹارگٹ کلنگ کررہا ہے۔

🚨A painful scene as we mourn the loss of four members of the Palestine Red Crescent ambulance crews. 💔They were martyred while wearing the emblem Red Crescent emblem, which is supposed to be protected according to international law. ⚠️Our colleagues were intentionally targeted… pic.twitter.com/p4fHrDUKhI

— PRCS (@PalestineRCS) January 10, 2024

فلسطینی ہلال احمرکا کہنا ہےکہ چاروں افراد طب کے شعبے سے تعلق رکھتے تھے۔

دوسری جانب اسرائیل نے الاقصیٰ شہدا اسپتال کے قریب حملہ کیا جس کے نتیجے میں 40افراد شہیداور درجنوں زخمی ہوگئے ہیں۔

فلسطینی میڈیا کے مطابق اسرائیل نے دیرالبلاح میں اسپتال سے متصل گھروں کو نشانہ بنایا،اسرائیلی حملے میں صحافی احمد بدر بھی شہید ہوگئے ہے،صحافی احمد بدر اسرائیل حملوں کے خلاف عالمی سطح پر آواز اٹھارہے تھے ۔

میڈیا رپورٹ کے مطابق 24 گھنٹوں میں 150 سے زائد سفاکانہ صیہونی حملوں میں 200 فلسطینی شہید ہوگئےہیں۔
واضح رہے کہ 7 اکتوبر سے اب تک شہدا کی تعداد 23 ہزار 350 سے تجاوز کرگئی ہے۔

یہ پڑھیں : فلسطینیوں کو غزہ سے باہر آباد کرنے کی کسی بھی تجویز کی مخالفت کرتے ہیں: امریکا