غزہ: اسرائیلی حملوں میں تیزی آگئی، مزید 185 سے زائد فلسطینی شہید

غزہ: عالمی عدالت انصاف کے غزہ میں نسل کشی روکنے کے حکم کے باوجود اسرائیلی حملوں میں کمی کے بجائے مزید تیزی آگئی ہے۔

غزہ کے رہائشی علاقوں اور طبی مراکز پر اسرائیل نے بمباری کرکے ایک روز میں مزید 185 سے زائد فلسطینی شہید کردیے گئے۔

اسرائیلی فوج نے گزشتہ 6 روز سے خان یونس کے الامل اسپتال کا محاصرہ کیا ہوا ہے اور الناصر اسپتال کے سربراہ آرتھوپیڈک سرجری ڈپارٹمنٹ ڈاکٹر بسام کو اغوا کرلیا ہے۔

یہ بھی پڑھیں: برطانیہ، اٹلی اور فن لینڈ نے فلسطینیی پناہ گزینوں کیلئے امداد روک دی

دوسری جانب غزہ میں تیز بارش کے بعد سردی میں اضافہ سے بھی جنگ سے تباہ حال فلسطینیوں کی مشکلات بڑھ گئیں ہیں۔

واضح رہے کہ 7 اکتوبر سے اب تک اسرائیلی حملوں میں شہید فلسطینیوں کے تعداد 26 ہزار 453 سے تجاوز کر چکی ہے جبکہ 64 ہزار 487 سے زائد افراد زخمی ہو چکے ہیں۔

اسرائیلی حملوں میں شہید اور زخمی ہونے والے فلسطینیوں میں نصف سے زائد تعداد صرف بچوں اور خواتین پر مشتمل ہے جبکہ لاکھوں افراد بے گھر ہو چکے ہیں۔