کیا امریکی کرنسی نوٹوں پر ٹرمپ کی تصویر شائع ہونے والی ہے؟

ریپبلکن قانون ساز جو ولسن نے اعلان کیا ہے کہ وہ نو تشکیل شدہ 250 ڈالر کے کرنسی نوٹ میں ڈونلڈ ٹرمپ کا چہرہ شامل کرنے کے لیے قانون سازی پر کام کر رہے ہیں۔

اس بل کی منظوری کی صورت میں ڈونلڈ ٹرمپ کرنسی نوٹ میں شامل ہونے والے پہلے زندہ امریکی صدر بن جائیں گے۔

ولسن کے مطابق بائیڈن انتظامیہ کے دور میں پیدا ہونے والی افراط زر نے شہریوں کو زیادہ نقد رقم لادنے پر مجبور کیا جس کے نتیجے میں 250 ڈالر کا متعارف کرایا جاسکتا ہے۔

ایکس پر ایک پوسٹ میں قانون ساز نے اسے "سب سے قیمتی صدر کے لئے سب سے قیمتی بل” قرار دیا۔

دی اکانومسٹ کی جولائی کی ایک رپورٹ میں کہا گیا ہے کہ ملک کی پہلے سے ہی خراب مالی صورتحال اگلے چار سالوں میں خراب ہونے کا خدشہ ہے کیونکہ خالص سرکاری قرضہ 1990 میں جی ڈی پی کے 40 فیصد سے بڑھ کر جی ڈی پی کے 98 فیصد تک پہنچ گیا ہے۔

زیادہ تر ترقی یافتہ ممالک کی طرح  امریکا کے قرضوں کے مسائل 2007-2008 کے مالیاتی بحران کے دوران شروع ہوئے اور 2020 کی کورونا جیسی عالمی وبا کے تناظر میں دوبارہ نمودار ہوئے۔

تاہم ان بحرانوں کے علاوہ قرضوں اور جی ڈی پی کا تناسب جی سیون کے دیگر امیر ممالک کے مقابلے میں مستحکم رہا۔

لیکن اس بار آئی ایم ایف نے پیش گوئی کی ہے کہ امریکی قرضوں میں اضافہ ہوتا رہے گا، 2024 ء میں حکومت اپنے قرضوں کی ادائیگی کے لئے 728 بلین ڈالر یا آمدنی کا 16 فیصد استعمال کرے گی۔