مقبوضہ کشمیر؛ بھارتی فوج کی موجودگی سے سیاچن گلیشیئر پگھلنے لگا

 مقبوضہ کشمیر میں بھارتی فوج کی بڑی تعداد کی موجودگی سے ماحولیات پر اثر ہونے لگا جس سے سیاچن گلیشیئر پگھلنے لگا۔

کشمیر میڈیا سروس (کے ایم ایس) کے مطابق مقبوضہ کشمیر میں ہتھیاروں اور فوجی انفراسٹرکچر کے بے تحاشا استعمال نے ماحولیاتی نظام کو ناقابل تلافی نقصان پہنچایا ہے۔

کے ایم ایس کی رپورٹ کے مطابق ہندوستانی فوج جنگلات کی کٹائی اور آلودگی کا سبب بن رہی ہے، دنیا کا دوسرا سب سے بڑا سیاچن گلیشیئر فوجی سرگرمیوں اور موسمیاتی تبدیلیوں کی وجہ سے تیزی سے سکڑ رہا ہے۔

مزید پڑھیں:مقبوضہ کشمیر میں ڈیجیٹل حقوق کی خلاف ورزیاں بڑھ گئیں

مزید پڑھیں:بھارت نے 2 کشمیری تنظیموں پر پابندی لگادی، پاکستان کی مذمت

رپورٹ میں مزید انکشاف ہوا ہے کہ سیاچن گلی ش یئ ر میں 10 ہزار ٹن زہریلا کچرا؛ گلیشیئر آدھا رہ گیا جبکہ کولاہوئی گلیشیئر 13.57 سے 10.69 مربع کلومیٹر رہ گیا ہے۔

رپورٹ کے مطابق کولاہوئی گلیشیئر دریائے جہلم کے پانی کا بنیادی ذریعہ ہے، جسے کشمیر کی لائف لائن سمجھا جاتا ہے، کشمیر میں فوجی کارروائیاں سالانہ 3 لاکھ ٹن کاربن ڈائی آکسائیڈ کے اخراج کا سبب بنتی ہیں۔

کشمیر میں فوجی فضلہ کا 50 فیصد سے زائد حصہ مناسب طریقے سے تلف نہیں کیا جاتا بلکہ فوجیوں کی طرف سے جھیل میں کچرا پھینکنے سے حیاتیاتی تنوع 60 فیصد متاثر ہو چکا ہے۔
بھارتی فوج کے ہاتھوں ماحولیاتی تباہی کا خمیازہ کشمیری عوام بھگت رہے ہیں، اقوام متحدہ کے قوانین کے مطابق ماحولیاتی نقصان کو جنگی جرم قرار دیا گیا، آرٹیکل 8 کے تحت سخت کارروائی لازم ہے۔