مالدیپ نے اسرائیل کیلئے اپنے دروازے بند کر دیے

مالدیپ نے غزہ پر جاری اسرائیلی حملوں اور  نسل کشی کیخلاف احتجاجاً اسرائیلی شہریوں کے داخلے پر پابندی عائد کر دی۔

غیر ملکی میڈیا کے مطابق غزہ میں جاری اسرائیلی حملوں کے خلاف اور فلسطین کی حمایت میں مالدیپ نے اسرائیلی پاسپورٹ رکھنے والے افراد کے ملک میں داخلے پر پابندی عائد کردی ہے۔

رپورٹ کے مطابق دہری شہریت رکھنے والے افراد کسی دوسرے ملک کے سفری دستاویزات کے ذریعے ملک میں داخل ہو سکتے ہیں۔ حکومتی بیان میں کہا گیا ہے کہ یہ اقدام فلسطینی عوام سے مضبوط یکجہتی اور اسرائیل کی جارحیت کے خلاف سخت مؤقف کی عکاسی کرتا ہے۔

مزید پڑھیں:پاک بحریہ کے جہاز اصلت کا ریجنل میری ٹائم سیکیورٹی پٹرول پر تعیناتی کے دوران مالدیپ کا دورہ

مزید پڑھیں:مالدیپ نے اسرائیلی شہریوں کے ملک میں داخلے پر پابندی عائد کردی

خیال رہے کہ خوبصورت سیاحتی مقامات کے لیے مشہور مالدیپ میں ہر سال اسرائیلی شہریوں کی بڑی تعداد سیاحت کی غرض سے آتی ہے۔

واضح رہے کہ مالدیپ کی پارلیمان میں یہ بل ابتدائی طور پر مئی 2024 میں پیش کیا گیا تھا جو متعدد ترامیم کے بعد اب منظور کر لیا گیا ہے اور صدر محمد معیظو نے پارلیمان کی منظوری کے بعد قانون پر دستخط کر دیے۔