اسرائیلی کابینہ میں پھوٹ، نیتن یاہو کی حکومت گرنے کے امکانات بڑھ گئے

اسرائیل کے وزیراعظم نیتن یاہو کی حکومت گرنے کے امکانات بڑھ گئے ہیں۔

میڈیا رپورٹس کے مطابق نیتن یاہو حکومت کی مذہبی اتحادی جماعت شاس نے حکومت چھوڑنے کا فیصلہ کرلیا ہے۔

رپورٹ میں بتایا گیا کہ اسرائیلی پارلیمان میں شاس کے 11 رکن ہیں، ان کے مستعفیٰ ہونے کی صورت میں نیتن یاہو حکومت کے پاس 120 ارکان کے مقابلے 50 ارکان رہ جائیں گے اور وہ ایوان میں اکثریت کھو دیں گے۔

یاد رہے کہ اسرائیل میں مذہبی تعلیمی اداروں کے طلبہ کو فوجی خدمات سے مستثنیٰ قرار دینے کا قانون نہ بنانے پر تنازع شدت اختیار کرگیا ہے جس کی وجہ سے شاس نے حکومت سے علیحدہ ہونے کا فیصلہ کیا ۔

 شاس سے قبل الٹرا آرتھوڈوکس جماعتوں میں سے ایک United Torah Judaism (یو ٹی جے) نے بھی گزشتہ رات نیتن یاہو کی کابینہ اور حکومت سے علیحدگی کا اعلان کیا تھا۔