موبائل فون چوری کی شکایت لگانے پر 7 سالہ بچہ لقمہ اجل بن گیا
WebDesk
22 جولائی, 2025 15:46
موبائل فون چوری کی شکایت لگانے پر 7 سالہ بچہ قتل
بھارت میں کمسن لڑکے نے 7 سالہ بچے کو موبائل فون کی چوری کا بتانے پر قینچی سے حملہ کرکے مار ڈالا۔
بھارتی میڈیا کے مطابق گروگرام شہر سے تعلق رکھنے والے ایک 7 سالہ بچے کو قینچی سے حملہ کرکے اس وقت بے دردی سے قتل کردیا گیا جب اس نے اپنے والد کو موبائل چوری ہونے کے بارے میں بتایا۔
پولیس نے بتایا کہ 15 سالہ لڑکے نے ایک شخص کا موبائل فون چوری کیا جس کے 7 سالہ بیٹے نے اپنے والد کو چوری کی اطلاع دی جس پر چوری کرنے والے کو معافی مانگتے ہوئے فون واپس کرنا پڑا۔
پولیس کے مطابق ملزم اپنی تذلیل برداشت نہ کرسکا اور اس نے بچے سے بدلہ لینے کی ٹھانی، ملزم نے بچے کو گھر سے دور لے جا کر قینچی سے 18 سے 20 بار حملے کیے جس سے بچہ بری طرح زخمی ہوا اور وہ اپنی زندگی سے ہاتھ دھو بیٹھا۔
پولیس کا کہنا ہےکہ گاؤں کے مکینوں نے اتوار کو ایکسپریس وے کے ساتھ بچے کی خون میں لت پت لاش پائی اور پولیس کو آگاہ کیا جس پر پولیس نے کارروائی کرتے ہوئے نوجوان کو اس کے گاؤں سے گرفتار کرلیا۔
پولیس کے مطابق ملزم نے دوران تفتیش جرم کا اعتراف کیا اور بچے کے گھر والوں کے ساتھ اسے تلاش کرنے کا بھی ڈرامہ کیا۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
