امریکی صدر ڈونلڈ ٹرمپ کی گوگل سمیت دیگر ٹیک کمپنیوں کو وارننگ
WebDesk
25 جولائی, 2025 10:30
’’مسئلہ زدہ ممالک‘‘ کے افراد کو امریکا میں داخل نہیں ہونے دیں گے، ٹرمپ
امریکا کے صدر ڈونلڈ ٹرمپ نے گوگل سمیت دیگر ٹیک کمپنیوں کو وارننگ دے دی۔
واشنگٹن میں اے آئی سمٹ سے خطاب کرتے ہوئے ڈونلڈ ٹرمپ نے کہا کہ امریکی کمپنیاں چین میں فیکٹریاں بناتی رہیں، بھارت میں ملازمتیں دیتی رہیں اور آئرلینڈ میں منافع چُھپاتی رہیں، امریکی شہریوں کو نظر انداز کیے رکھا لیکن اب وہ دن گئے۔
انہوں نے کہا کہ گوگل، مائیکروسوفٹ اور دیگر ٹیکنالوجی کمپنیاں بھارت اور چین میں ملازمتیں دینے کے بجائے امریکا میں روزگار پیدا کریں۔
ان کا کہنا تھا کہ مصنوعی ذہانت کی دوڑ میں جیت کے لیے حب الوطنی کی ضرورت ہے، ٹیک کمپنیاں امریکا کو مقدم رکھیں اور امریکی عوام کو نوکریاں دیں۔
امریکی صدر نے سمٹ میں مصنوعی ذہانت کے حوالے سے 3 نئے صدارتی احکامات پر بھی دستخط کیے۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
