تھائی لینڈ اور کمبوڈیا کے درمیان جنگ بندی ہوگئی
WebDesk
29 جولائی, 2025 09:30
تھائی لینڈ اور کمبوڈیا کے درمیان جنگ بندی ہوگئی
تھائی لینڈ اور کمبوڈیا نے غیر مشروط جنگ بندی پر اتفاق کرلیا۔
غیر ملکی میڈیا رپورٹس کے مطابق تھائی لینڈ اور کمبوڈیا نے ملائیشیا کے دارالحکومت کوالالمپور میں ہونے والے مذاکرات میں جنگ بندی پر اتفاق کرلیا ہے۔
رپورٹ میں بتایا گیا کہ مذاکرات میں تھائی لینڈ کے قائم مقام وزیراعظم، کمبوڈیا کے وزیراعظم اور ملائیشین وزیراعظم انور ابراہیم شریک ہوئے جبکہ امریکا اور چین کے سفیر بھی اس موقع پر موجود تھے۔
ملائیشین وزیراعظم انور ابراہیم نے اعلان کیا کہ تھائی لینڈ اور کمبوڈیا غیر مشروط جنگ بندی پر متفق ہوگئے ہیں۔
ان کا کہنا تھا کہ امریکی صدر نے دونوں رہنماؤں سے پرامن حل تلاش کرنے کی اپیل کی اور دونوں فریقوں نے براہ راست رابطے بحال کرنے پر اتفاق کیا۔
اس موقع پر کمبوڈین وزیراعظم نے کہا کہ مذاکرات اچھے رہے، امید ہے کہ فوری طور پر لڑائی کو روک دیا جائے گا۔
واضح رہے کہ تھائی لینڈ اور کمبوڈیا کے درمیان سرحدی جھڑپوں میں اب تک 35 افراد ہلاک اور 3 لاکھ سے زائد افراد بے گھر ہوچکے ہیں۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
