فلسطینیوں کی نسل کشی جاری، اسرائیلی حملوں میں مزید 81 فلسطینی شہید

WebDesk

30 جولائی, 2025 08:45

اسرائیل کی غزہ میں دہشتگردی جاری ہے جس میں مزید 81 فلسطینی شہید ہوگئے ہیں۔

رپورٹ کے مطابق وسطی غزہ میں امداد کے منتظر 36 فلسطینی اسرائیلی فائرنگ سے شہید ہوگئے جبکہ اسرائیل کے نصیرات کیمپ پر فضائی حملے میں 12 بچوں سمیت 30 فلسطینی شہید ہوئے۔

رپورٹ میں بتایا گیا کہ اسرائیلی حملوں میں 14 خواتین بھی شہید ہوئیں ، محفوظ قرار دیے گئے علاقوں پر حملے بھی جاری ہیں۔

رپورٹ میں مزید کہا گیا کہ مغربی کنارے میں اسرائیل نے 2 فلسطینیوں کو فائرنگ کرکے شہید کردیا۔

واضح رہے کہ غزہ میں شہدا کی تعداد 60 ہزار سے تجاوز کرگئی جبکہ ایک لاکھ 45 ہزار 870 شدید زخمی ہوچکے ہیں۔