یمن کے ساحل پر کشتی ڈوب گئی، 54 افراد ہلاک متعدد لاپتہ

WebDesk

04 اگست, 2025 10:10

یمن کے ساحل پر کشتی ڈوب گئی، 54 افراد ہلاک متعدد لاپتہ

عمان کے قریب غیر قانونی تارکین وطن کی کشتی کو حادثہ

یمن کے ساحل کے قریب کشتی الٹنے سے 54 تارکین وطن جاں بحق ہوگئے جبکہ متعدد افراد ابھی بھی لاپتہ ہیں۔

غیر ملکی میڈیا کے مطابق یہ افسوسناک واقعہ یمن کے صوبہ ابین کے علاقے احور میں پیش آیا جہاں ایک گنجائش سے زائد بھری ہوئی کشتی خراب موسم کے باعث ڈوب گئی۔

رپورٹ میں بتایا گیا کہ کشتی میں تقریباً 150 افراد سوار تھے جن میں سے 10 کو ریسکیو کر لیا گیا، ان میں سے 9 کا تعلق افریقی ملک ایتھوپیا اور ایک کا تعلق یمن سے ہے۔

باقی افراد کی تلاش کے لیے امدادی کارروائیاں جاری ہیں، تاہم موسم کی شدت اور سمندری حالات امدادی کام میں رکاوٹ بن رہے ہیں۔