نئے ڈرائیونگ لائسنس بنوانے والوں کیلئے اہم خبر
WebDesk
04 اگست, 2025 11:46
Alarm Bells Ring for Those Without a Driving License
دبئی کی روڈز اینڈ ٹرانسپورٹ اتھارٹی نے ڈرائیونگ لائسنس کی نئی فیسوں کا اعلان کر دیا ہے۔
دبئی کی روڈز اینڈ ٹرانسپورٹ اتھارٹی (آر ٹی اے) نے ڈرائیونگ لائسنس اور لرننگ پرمٹ کے اجرا سے متعلق نئی فیسوں کا اعلان کر دیا ہے، جو فوری طور پر نافذالعمل ہوں گی۔
عرب میڈیا کی رپورٹ کے مطابق موٹر سائیکل، لائٹ وہیکل اور لائٹ آٹومیٹک گاڑیوں کے لیے لرننگ پرمٹ کی فیس 100 درہم مقرر کی گئی ہے، جبکہ لائٹ اور ہیوی بسوں، مکینیکل مشینری اور ہیوی گاڑیوں کے لیے یہ فیس 200 درہم ہو گی۔
ڈرائیونگ فائل کھولنے کے لیے 200 درہم، سیف ڈرائیونگ گائیڈ کے لیے 50 درہم اور آئی ٹیسٹ کے لیے 140 سے 180 درہم تک کی فیس وصول کی جائے گی۔ اس کے علاوہ ہر درخواست گزار کو 20 درہم انوویشن اور نالج فیس بھی ادا کرنا ہو گی۔
ڈرائیونگ لائسنس کے اجراء کے لیے بھی عمر کے حساب سے فیسیں مقرر کی گئی ہیں۔ 21 سال سے کم عمر درخواست گزاروں سے 100 درہم جبکہ 21 سال یا اس سے زیادہ عمر کے افراد سے 300 درہم فیس لی جائے گی، جس میں 20 درہم انوویشن چارجز شامل ہیں۔
آر ٹی اے کا کہنا ہے کہ اگر کوئی شخص ڈرائیونگ لائسنس کی کیٹیگری کو مینول سے آٹومیٹک یا آٹومیٹک سے مینول میں تبدیل کروانا چاہے، تو اسے 200 درہم اضافی فیس اور 20 درہم انوویشن فیس ادا کرنا ہو گی۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
