اسرائیلی وزیراعظم کا پوری غزہ پٹی پر قبضے کا ارادہ

WebDesk

05 اگست, 2025 12:10

اسرائیلی وزیراعظم کا پوری غزہ پٹی پر قبضے کا ارادہ

اسرائیلی وزیراعظم کے خلاف مالی بدعنوانی کے مقدمات فیصلہ کن مرحلے میں داخل

اسرائیلی وزیراعظم نیتن یاہو نے غزہ پٹی پر قبضے کا ارادہ کرلیا۔

غیر ملکی میڈیا رپورٹس کے مطابق نیتن یاہو کا غزہ میں فوجی آپریشن کو وسعت دینے اور پوری غزہ پٹی پر قبضے کا ارادہ ہے۔

رپورٹس میں بتایا گیا کہ وزیراعظم نیتن یاہو غزہ میں فوجی کارروائیوں کو وسعت دینے پر غور کر رہے ہیں، اس منصوبے میں غزہ کے مکمل علاقے پر قبضے کی کوششیں شامل ہوسکتی ہیں۔

اسرائیلی میڈیا کا کہنا ہے کہ زیرِ غور منصوبوں میں ان علاقوں میں بھی فوجی کارروائیاں شامل ہیں جہاں یہ شبہ ہے کہ یرغمالی رکھے گئے ہیں۔

اسرائیلی میڈیا نے بتایا کہ نیتن یاہو کی جانب سے اس منصوبے کے حوالے سے حتمی فیصلہ کابینہ اجلاس میں کیا جائے گا۔