ٹرمپ کا ایک بار پھر بھارت پر ٹیرف میں اضافے کا فیصلہ

WebDesk

06 اگست, 2025 10:30

ٹرمپ کا ایک بار پھر بھارت پر ٹیرف میں اضافے کا فیصلہ

امریکی صدر ڈونلڈ ٹرمپ نے ایک بار پھر بھارت پر ٹیرف میں اضافے کا فیصلہ کرلیا۔

غیر ملکی میڈیا رپورٹس کے مطابق امریکی صدر ڈونلڈ ٹرمپ نے اپنے دیے گئے ایک انٹرویو میں کہا کہ بھارت ایک اچھا تجارتی پارٹنر نہیں رہا کیونکہ وہ ہمارے ساتھ بہت زیادہ کاروبار کرتے ہیں، لیکن ہم ان کے ساتھ کاروبار نہیں کرتے۔

انہوں نے کہا کہ اس لیے ہم نے 25 فیصد ٹیرف لگانے کا فیصلہ کیا تھا لیکن میں اگلے 24 گھنٹوں میں اس میں بہت زیادہ اضافہ کرنے جا رہا ہوں کیونکہ وہ روسی تیل خرید رہے ہیں۔

ان کا کہنا تھا کہ بھارت جنگی مشینری کو ایندھن فراہم کر رہے ہیں اور اگر وہ ایسا کرتے ہیں تو میں خوش نہیں ہوں گا۔

ڈونلڈ ٹرمپ نے مزید کہا کہ بھارت کے ساتھ سب سے بڑی رکاوٹ یہ ہے کہ اس کے ٹیرف بہت زیادہ ہیں۔