بھارت نے ٹرمپ کے اضافی ٹیرف کو غیر منصفانہ قرار دے دیا
WebDesk
07 اگست, 2025 10:30
بھارت نے ٹرمپ کے اضافی ٹیرف کو غیر منصفانہ قرار دے دیا ہے۔
بھارتی وزات خارجہ کے ترجمان کی جانب سے جاری کردہ بیان کے مطابق بھارت پر اضافی ٹیرف عائد کرنے کا امریکی اقدام بےحد افسوسناک ہے، بھارت جو کررہا ہے وہی اقدامات کئی دوسرے ممالک بھی اپنے قومی مفاد میں کررہے ہیں۔
ترجمان نے کہا کہ امریکی اقدام ناانصافی پر مبنی، بلاجواز اور غیر منصفانہ ہیں، بھارت اپنے قومی مفادات کے تحفظ کے لیے تمام ضروری اقدامات کرے گا۔
ان کا کہنا تھا کہ حالیہ دنوں میں امریکا نے بھارت کی روس سے تیل درآمدات کو ہدف بنایا ہے، ہم ان معاملات پر اپنا مؤقف واضح کرچکے ہیں۔
بھارتی وزات خارجہ کے ترجمان کے مطابق ہماری درآمدات مارکیٹ کے تقاضوں کی بنیاد پر ہوتی ہیں، ہمارا مقصد بھارت کی ایک ارب سے زائد عوام کی توانائی کی ضرورت کا تحفظ یقینی بنانا ہے۔
واضح رہے کہ امریکی صدر ٹرمپ نے بھارت پر مزید 25 فیصد ٹیرف عائد کردیا جس کے بعد اب بھارت پر مجموعی امریکی ٹیرف 50 فیصد ہوگیا ہے۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
