انتہا پسند ہندوتوا نظریے پر مبنی بی جے پی اور آر ایس ایس کی دہشتگردی کا پردہ چاک

سابق ترجمان یشونت شندے نے آر ایس ایس اور بی جے پی رہنماؤں کا دہشتگردی میں ملوث ہونے کا انکشاف کردیا۔

سابق ترجمان آر ایس ایس یشونت شندے کے مطابق آر ایس ایس مسلمانوں کو پھنسانے کے لیے بھارت میں دہشتگرد حملوں کی ہدایت دیتی ہے، مہاراشٹرا میں بم دھماکوں کا منصوبہ آر ایس ایس سے منسلک افراد نے بنایا، ناندیڑ میں 2006 میں بم تیار کرتے وقت پھٹ گیا، متعدد افراد ہلاک ہوئے، آر ایس ایس کے رکن اندریش کمار نے مجھے دہشتگرد منصوبوں میں شمولیت کی پیشکش دی۔

انہوں نے کہا کہ آر ایس ایس نیٹ ورک نے اورنگ آباد کی مسجد کی نشاندہی کر کے بم بنانے کی تیاری کی، آر ایس ایس کے کارکنان راکیش دھاوڑے اور روی دیو بم بنانے کی تربیت میں سرگرم تھے، آر ایس ایس کے تحت روی دیو عرف مِتھن چکرورتی بم سازی کی تربیت میں پیش پیش تھا، راکیش دھاوڑے روزانہ بم سازی کی تربیت کے لیے افراد کو لاتا تھا۔

یشونت شندے کے تمام ملزمان کے نام واضح کیے جانے کے باوجود بھارتی عدالت خاموش تماشائی بنی ہوئی ہے، سابق آر ایس ایس ترجمان نے ہندو انتہا پسندوں کے دہشتگرد چہرے بے نقاب کر دیے۔

 مودی سرکار اور آر ایس ایس ہندوتوا کے تحت ریاستی دہشتگردی کی سرپرست بن چکی ہے، آر ایس ایس کے تربیت یافتہ دہشتگرد مسلمانوں پر جھوٹے الزامات لگا کر خود دہشتگردی میں ملوث ہوتے ہیں، مودی سرکار انتہا پسند ہندو نیٹ ورک کے جرائم پر پردہ ڈال کر دہشتگردی کو تحفظ دیتی ہے۔