ترکیہ میں 6.1 شدت کا زلزلہ، کئی عمارتیں زمین بوس

WebDesk

11 اگست, 2025 09:35

ترکیہ میں 6.1 شدت کا زلزلہ آیا ہے، جس کے باعث 10 سے زائد عمارتیں زمین بوس ہو گئیں۔

جرمن ریسرچ سینٹر فار جیو سائنسز کے مطابق زلزلے کی گہرائی 10 کلو میٹر ریکارڈ کی گئی۔

ترک ڈیزاسٹر منیجمنٹ اتھارٹی کے مطابق ترکیے کے مغرب میں بالیک ایسیر صوبے میں 6.1 شدت کازلزلہ مقامی وقت کے مطابق شام 7 بج کر 53 منٹ پر آیا اور استنبول سمیت 11 صوبوں میں زلزلے کے جھٹکے محسوس کیے گئے۔

ترک ڈیزاسٹر منیجمنٹ اتھارٹی کے مطابق زلزلے کے جھٹکے استنبول، برصا اور آس پاس کے صوبوں میں بھی محسوس کیے گئے، زلزلے کا مرکز صوبہ بالیک ایسیر کے ضلع سندرگی میں تھا۔