غزہ پر اسرائیلی فورسز کے حملے بدستور جاری، مزید 51 فلسطینی شہید
WebDesk
20 اگست, 2025 12:22
امن معاہدے کے باوجود اسرائیلی جارحیت جاری، غزہ پر ایک اور فضائی حملہ؛ ایک ہی خاندان کے 11 افراد شہید
اسرائیلی جارحیت کے نتیجے میں غزہ میں ایک بار پھر خون کی ہولی کھیلی گئی، تازہ حملوں میں مزید 51 فلسطینی شہید ہوگئے۔
غیر ملکی خبر رساں ادارے کے مطابق منگل کی صبح سے اب تک اسرائیلی افواج کے فضائی اور زمینی حملوں میں کم از کم 51 افراد شہید ہوئے جن میں امداد کی تلاش میں موجود 8 شہری بھی شامل ہیں۔
رپورٹس کے مطابق اسرائیلی فوج نے امدادی سامان تقسیم کرنے والے مراکز کے قریب اندھا دھند فائرنگ کی، جبکہ خان یونس میں بے گھر شہریوں کے خیموں پر بمباری سے کم از کم 8 فلسطینی جاں بحق ہوئے۔ اسی طرح وسطی غزہ کے علاقے دیر البلح میں ایک خیمے پر حملے میں 4 مزید جانیں ضائع ہوئیں۔
غزہ کے سرکاری میڈیا آفس کے مطابق اسرائیل کی جانب سے گزشتہ تقریباً دو برس سے جاری نسل کشی کی جنگ میں اب تک 62 ہزار سے زائد فلسطینی شہید ہوچکے ہیں، جن میں 18 ہزار 885 سے زیادہ معصوم بچے بھی شامل ہیں۔
دوسری جانب قطر اور مصر کی جانب سے پیش کی گئی جنگ بندی کی تجویز کو حماس نے قبول کرلیا ہے، تاہم اسرائیلی حکومت کی طرف سے اس سلسلے میں تاحال کوئی ردعمل سامنے نہیں آیا۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بیروزگاروں کیلئے بڑی خوشخبری؛ نوکریاں ہی نوکریاں!!! جانیں اپلائی کرنے کا مکمل طریقہ
30-نومبر،2025
