دھمکیوں میں امریکا سے بات چیت نہیں ہو سکتی، ایرانی سپریم لیڈر
WebDesk
25 اگست, 2025 10:10
دھمکیوں کے زیرِ اثر مذاکرات کرنا دباؤ کے آگے ہتھیار ڈالنا ہے، ایرانی سپریم لیڈر
ایرانی سپریم لیڈر آیت اللہ خامنہ ای نے کہا ہے کہ دھمکیوں میں امریکا سے بات چیت نہیں ہوسکتی۔
ایرانی سپریم لیڈر آیت اللہ خامنہ ای نے تہران میں ایک مذہبی تقریب سے خطاب کرتے ہوئےکہا کہ وہ ایران کو فرمانبردار بنانے کے خواہاں امریکا کے خلاف سختی سے کھڑے ہوں گے۔
انہوں نے کہا کہ ایران امریکا کے مطالبات کے آگے کسی صورت نہیں جھکے گا۔
ان کا کہنا تھا کہ دھمکیوں میں امریکا سے بات چیت نہیں ہوسکتی اور وہ لوگ جو ہمیں امریکا کے ساتھ براہ راست مذاکرات کی دھمکیاں دیتے ہیں، وہ حقیقت سے ناواقف ہیں۔
آیت اللہ خامنہ ای نے کہا کہ دشمنوں نے ایرانی عوام اور ریاست کے رشتے کو کمزور سمجھنے میں غلطی کی۔
ایرانی سپریم لیڈر کا کہنا تھا کہ دشمنوں نے فوجی حملوں میں ناکامی کے بعد سمجھ لیا کہ ایران کو جنگ سے زیر نہیں کیا جا سکتا اور نہ ہی اسلامی نظام کو جھکنے پر مجبور کیا جا سکتا ہے۔
واضح رہے کہ ایران نے امریکا کے ساتھ جوہری مذاکرات اس وقت معطل کردیے تھے جب امریکا اور اسرائیل نے جون میں 12 روزہ جنگ کے دوران تہران کی جوہری تنصیبات پر بمباری کی تھی۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بیروزگاروں کیلئے بڑی خوشخبری؛ نوکریاں ہی نوکریاں!!! جانیں اپلائی کرنے کا مکمل طریقہ
30-نومبر،2025
