قدرتی آفت کا خطرہ؛ ہوائی اڈے اور اسکول بند
WebDesk
25 اگست, 2025 11:34
Natural disaster threat: Airports and schools closed
ویتنام میں سال کے سب سے طاقتور طوفان "کاجیکی” کے قریب آتے ہی ہنگامی اقدامات کا آغاز کر دیا گیا ہے۔
حکومت نے متاثرہ علاقوں میں ہوائی اڈے اور اسکول بند کرتے ہوئے شہریوں کے بڑے پیمانے پر انخلا کا عمل شروع کر دیا ہے۔ بین الاقوامی خبر ایجنسی کے مطابق طوفان کی رفتار 166 کلومیٹر فی گھنٹہ (103 میل فی گھنٹہ) تک پہنچ چکی ہے اور توقع ہے کہ یہ طوفان آج (پیر) کی دوپہر تک ملک کے مرکزی ساحلی علاقوں سے ٹکرا جائے گا۔
ویتنامی حکومت نے طوفان کے باعث شدید بارشوں، سیلاب اور لینڈ سلائیڈنگ کے خطرے کی پیش گوئی کرتے ہوئے الرٹ جاری کر دیا ہے۔ حکومت کا کہنا ہے کہ پانچ لاکھ سے زائد افراد کو محفوظ مقامات پر منتقل کیا جا رہا ہے، جبکہ تمام ماہی گیروں اور کشتیوں کو ساحل پر رہنے کی ہدایت دی گئی ہے۔
طوفان سے سب سے زیادہ متاثر ہونے والے تھان ہُوا اور کوآنگ بن صوبوں میں ہوائی اڈے بند کر دیے گئے ہیں، جبکہ ویتنام ایئر لائنز اور ویٹ جیٹ نے ان علاقوں کی متعدد پروازیں منسوخ کر دی ہیں۔ حکام کی جانب سے شہریوں کو محتاط رہنے اور حفاظتی ہدایات پر عمل کرنے کی تلقین کی گئی ہے۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بیروزگاروں کیلئے بڑی خوشخبری؛ نوکریاں ہی نوکریاں!!! جانیں اپلائی کرنے کا مکمل طریقہ
30-نومبر،2025
