مقبوضہ کشمیر میں "را ” کے مذموم مقاصد بے نقاب

پاکستانی انٹیلی جنس نے مقبوضہ کشمیر میں "را "کے مذموم مقاصد کو بے نقاب کردیا۔

انٹیلی جنس رپورٹ کے مطابق مقبوضہ کشمیر میں غیر ملکی دہشت گردوں کی موجودگی کی اطلاعات موصول ہوئیں، غیر ملکی دہشت گرد "را” کی پشت پناہی میں سرگرم ہیں، غیر ملکی دہشت گرد قابض افواج کے اڈوں کے پاس آزادانہ گھومتے پھرتے ہیں۔

رپورٹ میں بتایا گیا کہ غیر ملکی دہشت گردوں کو قابض افواج کے ٹریننگ ایریاز میں دیکھا گیا، ایل او سی کے ساتھ جنگلات میں بھی خفیہ تربیتی مراکز میں غیر ملکی دہشت گرد موجود ہیں، غیر ملکی دہشت گرد پشتو اور دری زبانوں میں بات کرتے ہیں۔

رپورٹ میں کہا گیا کہ قوی امکان ہے کہ یہ غیر ملکی کرائے کے قاتل ہیں، غیر ملکی دہشت گردوں کا کشمیری مجاہدین یا پاکستان کیخلاف استعمال ہونے کا خدشہ ہے، پاکستان نے خصوصی انٹیلی جنس رپورٹ عالمی برادری کے ساتھ شیئر کردی، عالمی برادری مشکوک کیمپس اور غیر ملکیوں پر سوال اٹھائے، عالمی برادری "را” کے مذموم مقاصد پر نظر رکھے۔

انٹیلی جنس ذرائع کا کہنا ہے کہ پاکستان نے عالمی برادری اور دوست ممالک کو مراسلہ ارسال کردیا، پاکستانی انٹیلی جنس ایجنسیوں کی مقبوضہ کشمیر میں خفیہ تربیتی کیمپوں پر خاص نظر ہے، مراسلے کا مقصد دنیا کو بھارت کی نئی سازش سے با خبر رکھنا ہے، مراسلے میں واضح کیا گیا یہ کھیل خطے کے امن کو تباہ کرنے کیلئے کھیلا جارہا ہے۔