بھارتی مصنوعات پر امریکی ٹیرف آج سے لاگو

WebDesk

27 اگست, 2025 10:00

امریکا کی جانب سے بھارتی مصنوعات پر 25 فیصد اضافی ٹیرف کا اطلاق آج سے شروع ہوگیا ہے۔

غیر ملکی میڈیا رپورٹس کے مطابق امریکا کی جانب سے اعلان کردہ 25 فیصد اضافی ٹیرف کے بعد بھارت پر مجموعی ٹیرف 50 فیصد ہوگیا، امریکی ہوم لینڈ سیکیورٹی نے اس حوالے سے نوٹیفکیشن بھی جاری کردیا۔

رپورٹ میں بتایا گیا کہ ٹیرف سے متعدد بھارتی مصنوعات مہنگی ہوجائیں گی جس سے دونوں ممالک کے درمیان تجارتی تعلقات میں تناؤ بڑھنے کا خدشہ ہے۔

واضح رہے کہ امریکا کی جانب سے اضافی ٹیرف روس یوکرین جنگ میں بھارت کی جانب سے روس کی حمایت کے جواب میں لگایا گیا ہے۔