غزہ میں اسرائیلی جارحیت جاری، ایک ہی روز میں 60 فلسطینی شہید

WebDesk

29 اگست, 2025 09:00

غزہ میں اسرائیلی جارحیت جاری، ایک ہی روز میں 60 فلسطینی شہید

پاکستان کی غزہ میں اسرائیلی حملوں کی شدید مذمت

غزہ میں اسرائیلی جارحیت جاری ہے جس کے باعث ایک ہی روز میں 60 فلسطینی شہید ہوگئے ہیں۔

رپورٹ کے مطابق گزشتہ روز سے اب تک اسرائیلی فوج کے حملوں میں 61 فلسطینی شہید ہو چکے ہیں، ان شہدا میں 19 امداد کے متلاشی افراد بھی شامل ہیں۔

رپورٹ میں بتایا گیا کہ اسرائیل کی جانب سے جبالیا میں ایک اسکول کے قریب حملہ کیا گیا جس میں کم از کم 5 افراد شہید ہوئے۔

غزہ کی وزارتِ صحت کا کہنا ہے کہ غزہ میں بھوک کی شدت سے مزید 4 فلسطینی انتقال کرگئے جن میں 2 بچے بھی شامل ہیں، جس کے بعد اسرائیل کے مسلط کردہ قحط سے اموات کی تعداد317 ہوگئی ہے۔