حماس اور اسرائیلی فوج کے درمیان تصادم؛ 2 اسرائیلی فوجی ہلاک، 13 زخمی جبکہ 4 لاپتہ

WebDesk

30 اگست, 2025 10:10

حماس اور اسرائیلی فوج کے درمیان تصادم؛ 2 اسرائیلی فوجی ہلاک، 13 زخمی جبکہ 4 لاپتہ

غزہ کے علاقے الزیتون میں فلسطینی مزاحمتی تنظیم حماس اور اسرائیلی فوج کے درمیان تصادم ہوا جس میں 2 اسرائیلی فوجی ہلاک، 13 زخمی جبکہ 4 لاپتہ ہوگئے۔

اسرائیلی میڈیا کے مطابق حماس کے عسکری ونگ القسام بریگیڈز کے جنگجوؤں نے گھات لگا کر اسرائیلی فوجی یونٹ کو نشانہ بنایا اور نائٹ وژن آلات کے ذریعے فوجیوں کی نقل و حرکت ٹریس کی۔

اس حملے کے دوران اسرائیلی فوج کی 162 ویں ڈویژن اور 401 ویں بریگیڈ کے دستے نشانہ بنے۔

رپورٹس کے مطابق جھڑپوں کے بعد اسرائیلی فوج نے زخمی اہلکاروں کو نکالنے کے لیے کم از کم 6 ہیلی کاپٹر روانہ کیے۔