دہشتگردی کے خلاف جنگ میں چین، پاکستان کی حمایت کرتا ہے؛ چینی صدر
WebDesk
02 ستمبر, 2025 11:40
دہشتگردی کے خلاف جنگ میں چین، پاکستان کی حمایت کرتا ہے؛ چینی صدر
چینی صدر شی جن پنگ نے کہا ہے کہ دہشتگردی کے خلاف جنگ میں چین، پاکستان کی حمایت کرتا ہے۔
شنگھائی تعاون تنظیم (ایس سی او) کے سربراہان مملکت کی کونسل کے 25 ویں اجلاس میں شرکت کے بعد وزیراعظم شہباز شریف بلٹ ٹرین کے ذریعے تیانجن سے چینی دارالحکومت بیجنگ پہنچے۔
اس موقع پر نائب وزیراعظم و وزیر خارجہ اسحاق ڈار، وفاقی وزیر منصوبہ بندی احسن اقبال، وفاقی وزیر اطلاعات عطا اللہ تارڑ اور وزیراعظم کے معاون خصوصی طارق فاطمی بھی تھے۔
بیجنگ میں قیام کے دوران وزیراعظم شہباز شریف فاشزم کے خلاف عالمی جنگ کی 80 ویں سالگرہ کی تقریب میں شریک ہوں گے۔
رپورٹ کے مطابق وزیر اعظم شہباز شریف اور چینی صدر شی جن پنگ کے درمیان ملاقات ہوئی جس میں شہباز شریف نے دہشتگردی کے خلاف جنگ میں پاکستان کی حمایت پر چینی صدر کا شکریہ ادا کیا۔
ملاقات کے دوران چین کے صدر شی جن پنگ کا کہنا تھا کہ دہشتگردی کے خلاف جنگ میں چین پاکستان کی حمایت کرتا ہے، امید ہے پاکستان چینی عملے، منصوبوں اور اداروں کی حفاظت یقینی بنانے کے لیےمؤثر اقدامات کرے گا۔
وزیراعظم نے جنوبی ایشیا میں جامع مذاکرات کی نگرانی کے لیے چین کو دعوت دے دی۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بیروزگاروں کیلئے بڑی خوشخبری؛ نوکریاں ہی نوکریاں!!! جانیں اپلائی کرنے کا مکمل طریقہ
30-نومبر،2025
