غزہ میں اسرائیلی فوج کی دہشتگردی جاری، حاملہ خاتون سمیت مزید 100 فلسطینی شہید

WebDesk

02 ستمبر, 2025 10:00

غزہ میں اسرائیلی فوج کی دہشتگردی جاری، حاملہ خاتون سمیت مزید 100 فلسطینی شہید

غزہ میں اسرائیلی فوج کی دہشتگردی جاری ہے جس میں حاملہ خاتون سمیت مزید 100 سے زائد فلسطینی شہید ہوگئے ہیں۔

رپورٹ کے مطابق اسرائیلی فوج نے شاتی پناہ گزین کیمپ میں گھر پر راکٹ حملہ کردیا جس سے گھر کا ایک حصہ تباہ ہوگیا اور ایک خاتون جو حمل سے تھیں، اس دنیا سے رخصت ہوگئیں۔

رپورٹ میں بتایا گیا کہ جس گھر کو اسرائیلی فوج نے نشانہ بنایا وہاں کمرے سے کھلونے اور بچوں کے کپڑے ملے جو خاتون نے اپنے ہونے والے بچے کے لیے تیار کر رکھے تھے۔

ایک روز میں مزید 100 سے زائد فلسطینی شہید ہوگئے جس کے بعد غزہ میں شہدا کی مجموعی تعداد 63 ہزار 557 ہوگئی جبکہ ایک لاکھ 60 ہزار 660 افراد زخمی ہوچکے ہیں۔