اتوار، 30-نومبر،2025
اتوار 1447/06/09هـ (30-11-2025م)

چین، روس اور شمالی کوریا، امریکہ کو کمزور کرنے کی کوششوں میں مصروف ہیں؛ ٹرمپ

03 ستمبر, 2025 09:15

امریکی صدر ڈونلڈ ٹرمپ نے کہا ہے کہ چین، روس اور شمالی کوریا امریکہ کو کمزور کرنے کی کوششوں میں مصروف ہیں۔

چینی صدر کے جاپان کے خلاف جنگ میں کامیابی کے 80 سال پورے ہونے پر بیجنگ میں شاندار پریڈ سے خطاب پر ردعمل دیتے ہوئے امریکی صدر ڈونلڈ ٹرمپ نے کہا کہ چینی صدر شی جن پنگ کو چاہیے کہ وہ بیرونی حملہ آوروں کو شکست دینے میں امریکی کردار کا کھلے عام اعتراف کریں۔

انہوں نے کہا کہ چینی صدر اگر تاریخ کے طالب علم ہیں تو انہیں تسلیم کرنا چاہیے کہ دوسری جنگِ عظیم میں جاپان کے خلاف کامیابی امریکی مدد کے بغیر ممکن نہ تھی۔

ان کا کہنا تھا کہ چین کو اپنی فتوحات کا سہرا امریکہ کو بھی دینا چاہیے۔

ٹرمپ نے چینی صدر پر الزام لگایا کہ وہ روسی صدر ولادیمیر پیوٹن اور شمالی کوریا کے رہنما کم جونگ اُن کے ساتھ مل کر امریکہ کے خلاف خفیہ سازشوں میں مصروف ہیں۔

امریکی صدر نے اس الزام کو طنز میں لپیٹتے ہوئے کہا کہ میں ان تینوں رہنماؤں کو ہمارے خلاف ان کی سازش پر نیک خواہشات بھیجتا ہوں۔

Catch all the دنیا News, Breaking News Event and Trending News Updates on GTV News


Join Our Whatsapp Channel GTV Whatsapp Official Channel to get the Daily News Update & Follow us on Google News.

اوپر تک سکرول کریں۔