پیوٹن سے ملاقات کے بعد کم جونگ کی میز کو کس نے اور کیوں صاف کیا؟

کم جونگ ان کے اسٹاف نے روسی صدر پیوٹن سے ملاقات کے بعد ٹیبل اور گلاس سمیت ہر چیز سے نشانات صاف کردیے۔

نیوز ایجنسی کے مطابق چین میں جنگ عظیم دوم میں چینی فتح کی تقریب کے موقع پر 3 ستمبر کو کم جونگ ان کی روسی صدر ولادی میر پیوٹن سے بیجنگ میں ملاقات ہوئی تھی۔

رپورٹ کے مطابق دونوں رہنماؤں کی ملاقات کے بعد کم جونگ کے ساتھ آئے ہوئے ان کے اسٹاف کے لوگوں نے کم کی جانب سے چھوئی گئی ہر چیز کو احتیاط سے صاف کیا تاکہ ان کا کوئی نشانہ وہاں نہ رہے۔

سوشل میڈیا پر وائرل ویڈیو میں دیکھا جاسکتا ہے کہ کم جس کرسی پر بیٹھے، اس کرسی کی پشت اور بازوؤں کو رگڑ کر صاف کیا گیا، کرسی کے پاس موجود کافی ٹیبل کو بھی صاف کیا گیا جب کہ اس گلاس کو بھی ہٹا دیا گیا جس سے انھوں نے پانی پیا تھا۔

🤡 All traces of Kim Jong Un were wiped away after his talks with Putin

They took the glass the dictator drank from and thoroughly wiped down the chair he had been sitting in. pic.twitter.com/eTf7f4FAZu

— NEXTA (@nexta_tv) September 3, 2025

روسی رپورٹر ایلیگزینڈر یوناشیف نے ٹیلی گرام پوسٹ میں ویڈیو شیئر کی جس میں کم جونگ کے اسٹاف کے ارکان کو اس کمرے کو احتیاط سے صاف کرتے ہوئے دکھایا گیا۔

رپورٹ کے مطابق کم جونگ ان  کو اپنے  پورٹیبل ٹوائلٹ کے ساتھ سفر کرنے کے لیے بھی جانا جاتا ہے اور ذرائع کے مطاب کم جونگ نے مبینہ طور پر حالیہ دورہ چین کے دوران پورٹیبل ٹوائلٹ استعمال کیا جسے شمالی کوریا سے ٹرین کے ذریعے لایا گیا تھا  تاکہ ان کے ڈی این اے کا کوئی نشان باقی نہ رہے۔

خبر ایجنسی کے مطابق کہ جنوبی کوریا اور جاپانی انٹیلی جنس ایجنسیوں کا خیال ہے کہ یہ احتیاط بنیادی طور پر کم جونگ ان کی صحت کے بارے میں کسی بھی معلومات کو چھپانے کے لیے کی جاتی ہے۔