اسرائیل کے غزہ میں مظالم جاری، مزید 70 فلسطینی شہید

WebDesk

05 ستمبر, 2025 08:30

اسرائیل کے غزہ میں مظالم جاری، مزید 70 فلسطینی شہید

اسرائیل کی جانب سے غزہ پر ظلم کا سلسلہ جاری ہے جس میں مزید 70 فلسطینی شہید ہوگئے ہیں۔

رپورٹ کے مطابق گزشتہ روز اسرائیل نے وسطی غزہ کے نصیرات پناہ گزین کیمپ پر بمباری کی جس میں 7 فلسطینی شہید ہوئے جن میں 3 بچے بھی شامل تھے۔

رپورٹ میں بتایا گیا کہ جنوبی رفح میں بھی اسرائیلی فوج نے امداد کے منتظر لوگوں کے ایک گروپ پر گولیاں چلائیں جو امدادی سامان کے مرکز کے قریب موجود تھے، اس حملے میں 7 افراد شہید اور کئی زخمی ہوئے۔

غزہ میں اسرائیلی فوج کے زمینی اور فضائی حملوں میں مجموعی طور پر 75 فلسطینی شہید ہوئے۔

دوسری جانب اقوام متحدہ کے مطابق 2 سالہ جنگ میں اسرائیلی فوج نے غزہ کے 21 ہزار بچوں کو معذور کیا۔