لگتا ہے ہم نے چین کے ہاتھوں بھارت اور روس کو کھو دیا، امریکی صدر
WebDesk
05 ستمبر, 2025 21:06
trump-threatens-tough-sanctions-if-nato-stops-buying-fuel-from-russia
امریکی صدر ڈونلڈ ٹرمپ نے بھارت کے خلاف اہم بیان دے دیا۔
سماجی رابطے کی ویب سائٹ پر انھوں نے لکھا کہ بھارت اور روس اس ہفتے چینی صدر شی جن پنگ سے ملاقات کے بعد گویا چین کی طرف چلے گئے۔
ٹرمپ نے سوشل میڈیا پر تینوں ممالک کے رہنماؤں کی ایک تصویر کے ساتھ لکھا کہ ایسا لگتا ہے کہ ہم نے بھارت اور روس کو چین کے سب سے گہرے اور تاریک دائرے میں کھو دیا ہے۔
ٹرمپ نے مزید کہا کہ امید ہے کہ وہ ایک ساتھ طویل اور خوشحال مستقبل گزاریں!۔
غیر ملکی خبررساں ایجنسی کے مطابق ٹرمپ کے بیان پر بھارتی وزارتِ خارجہ نے نئی دہلی میں صحافیوں کو بتایا کہ اس حوالے سے کوئی تبصرہ نہیں کیا جائے گا۔ چینی وزارت خارجہ نے بھی فوری ردعمل نہیں دیا، جبکہ کریملن کے نمایندے بھی اس حوالے سے تبصرے کے لیے دستیاب نہ ہوسکے۔
واضح رہے کہ چینی شہر تیانجن میں شی جن پنگ نے شنگھائی تعاون تنظیم کے اجلاس کی میزبانی کی جس میں 20 سے زائد غیر مغربی ممالک کے رہ نما شریک ہوئے، شرکا میں روسی صدر ولادیمیر پیوٹن اور بھارتی وزیراعظم نریندر مودی بھی شامل تھے۔
اجلاس کے دوران پیوٹن اور مودی کو ہاتھوں میں ہاتھ ڈالے چینی صدر کی طرف بڑھتے دیکھا گیا، جس کے بعد تینوں رہنما شانہ بشانہ کھڑے ہوئے۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بیروزگاروں کیلئے بڑی خوشخبری؛ نوکریاں ہی نوکریاں!!! جانیں اپلائی کرنے کا مکمل طریقہ
30-نومبر،2025
