بڑے سمندری طوفان کا خطرہ؛ الرٹ جاری

طوفان "پیپاہ” جمعہ کی صبح جاپان کے مغربی صوبہ واکایاما سے ٹکرا گیا۔

جاپان کے محکمہ موسمیات نے خبردار کیا ہے کہ اس طوفان کے باعث شدید بارشیں ہوں گی جو سیلاب اور مٹی کے تودے گرنے جیسے سنگین خطرات کو جنم دے سکتی ہیں۔

محکمے کے مطابق یہ سیزن کا 15 واں طوفان ہے، جو جمعہ کو مقامی وقت کے مطابق دوپہر ایک بجے کے قریب مرکزی جزیرے شیکوکو کے کوچی پریفیکچر سے ٹکرایا۔ اس کے بعد طوفان بحرالکاہل کے ساحل کے ساتھ مشرق کی جانب بڑھا اور صبح 9 بجے کے قریب واکایاما پریفیکچر کے شمالی حصے پر دوبارہ زمین پر اترا۔

طوفان اب جاپان کے بحرالکاہل کے ساحل کے ساتھ مشرق کی جانب سفر کر رہا ہے اور توقع کی جا رہی ہے کہ جمعہ کی شام تک یہ کنکی، ٹوکائی، کانٹو، کوشین اور توہوکو کے علاقوں تک پہنچ جائے گا۔

محکمہ موسمیات نے کہا ہے کہ ہفتہ کی صبح تک 24 گھنٹوں کے دوران، ٹوکیو سمیت کانٹو اور کوشین علاقوں میں 300 ملی میٹر تک بارش ہو سکتی ہے، جبکہ ٹوکائی میں 250 ملی میٹر اور کنکی میں 150 ملی میٹر تک بارش متوقع ہے۔

توہوکو کے شمال مشرق سے لے کر کنکی کے مغربی علاقوں تک وسیع پیمانے پر شدید بارشیں جاری ہیں، جس کی وجہ سے لینڈ سلائیڈنگ اور سیلاب کے خطرات بڑھ گئے ہیں۔ موسمی حکام نے نشیبی علاقوں میں مقیم شہریوں سے خاص احتیاط برتنے اور حفاظتی اقدامات اختیار کرنے کی سخت اپیل کی ہے تاکہ کسی بھی ناخوشگوار واقعے سے بچا جا سکے۔