غیر قانونی طور پر بارڈر کراسنگ کے دوران ایرانی سیکورٹی فورسز کی فائرنگ سے 6 افغان تارکین وطن ہلاک
WebDesk
10 ستمبر, 2025 12:43
Iran border guards kill six Afghan migrants in Sistan-Baluchestan
ایران– غیر قانونی طور پر سرحد پار کرنے کی کوشش کرنے والے افغان تارکین وطن پر ایرانی سکیورٹی فورسز نے فائرنگ کر دی جس کے نتیجے میں 6 افراد ہلاک اور متعدد زخمی ہو گئے۔
ہیومن رائٹس آرگنائزیشن "حال و ش” کی رپورٹ کے مطابق ایرانی فورسز نے صوبہ سیستان میں اس وقت فائرنگ کی جب افغان تارکین وطن کا ایک گروہ سرحد عبور کرنے کی کوشش کر رہا تھا۔
رپورٹ میں بتایا گیا کہ ایرانی فورسز نے تقریباً 120 افغان شہریوں پر گولیاں چلائیں جن میں خواتین اور بچے بھی شامل تھے۔ اس واقعے میں زخمی ہونے والوں میں احسان اللہ تاجک، نصر اللہ بارکزاہی، حزب اللہ بارکزاہی، وائی بارکزاہی اور بشیر احمد بارکزاہی شامل ہیں۔ زخمیوں کی حالت تشویشناک بتائی جا رہی ہے اور انہیں ہسپتال منتقل کر دیا گیا ہے۔
رپورٹ کے مطابق ایرانی سکیورٹی فورسز نے 40 افغان تارکین وطن کو بھی حراست میں لے لیا ہے۔ تاہم اس واقعے پر نہ تو ایران کی حکومت اور نہ ہی افغان حکام نے کوئی باضابطہ بیان جاری کیا ہے۔
واضح رہے کہ دنیا کے بیشتر ممالک میں غیر قانونی تارکین وطن اور بارڈر کراسنگ کے حوالے سے سخت قوانین موجود ہیں۔ گزشتہ سال بھی ایرانی سرحدی علاقوں میں 300 سے زائد افغان شہریوں پر فائرنگ کی گئی تھی جس میں متعدد افراد جان سے گئے تھے۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بیروزگاروں کیلئے بڑی خوشخبری؛ نوکریاں ہی نوکریاں!!! جانیں اپلائی کرنے کا مکمل طریقہ
30-نومبر،2025
