قطر پر حملے کا فیصلہ اسرائیلی وزیراعظم کا تھا، ٹرمپ
WebDesk
10 ستمبر, 2025 09:57
امریکی صدر ڈونلڈ ٹرمپ نے کہا ہے کہ قطرپر حملے کا فیصلہ ان کا نہیں اسرائیلی وزیراعظم نیتن یاہو کا تھا۔
غیر ملکی میڈیا رپورٹ مطابق امریکی صدر ڈونلڈ ٹرمپ نے اپنے جاری کردہ ایک بیان میں کہا کہ قطر پر یکطرفہ بمباری اسرائیل یا امریکا کے مقاصد کو آگے نہیں بڑھاتی، قطر پر حملے کا فیصلہ اسرائیلی وزیراعظم نیتن یاہو کا تھا میرا نہیں۔
انہوں نے کہا کہ امریکی وزیر خا رجہ مارکوروبیو کو قطر کے ساتھ دفاعی تعاون کے معاہدے کو حتمی شکل دینے کا کہا ہے۔
ان کا کہنا تھا کہ قطرایک خودمختارملک اورامریکا کا قریبی اتحادی ہے، قطر ہمارے ساتھ مل کربہادری سے امن قائم کرنے کی کوشش کر رہا ہے جبکہ حماس نے غزہ کے عوام کی بدحالی سے فائدہ اٹھایا۔
یادرہے کہ اس سے قبل وائٹ ہاؤس کی جانب سے جاری بیان میں کہا گیا تھا کہ امریکی حکومت کی جانب سے قطری حکام کو دوحہ میں ہونے والے اسرائیلی حملے کے بارے میں آگاہ کردیا گیا تھا تاہم قطری حکام نے اس کی تردید کی ہے۔
قطری وزارت خارجہ کے ترجمان ماجد الانصاری نے وائٹ ہاؤس کے بیان کی تردید کرتے ہوئے کہا کہ قطر کو حملے کی پیشگی اطلاع دیے جانے کی خبروں میں کوئی صداقت نہیں، امریکی حکام کی جانب سے موصول ہونے والی فون کال اسرائیلی حملے کی نتیجے میں ہونے والے دھماکوں کے دوران کی گئی تھی۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بیروزگاروں کیلئے بڑی خوشخبری؛ نوکریاں ہی نوکریاں!!! جانیں اپلائی کرنے کا مکمل طریقہ
30-نومبر،2025
