ڈونلڈ ٹرمپ کے قریبی ساتھی چارلی کرک کو فائرنگ کرکے قتل کردیا گیا
WebDesk
11 ستمبر, 2025 07:50
ڈونلڈ ٹرمپ کے قریبی ساتھی چارلی کرک کو فائرنگ کرکے قتل کردیا گیا
امریکی صدر ڈونلڈ ٹرمپ کے قریبی ساتھی چارلی کرک کو امریکی ریاست یوٹاہ میں فائرنگ کرکے قتل کردیا گیا۔
رپورٹ کے مطابق چارلی کرک کو 200 یارڈ کے فاصلے پر واقع ایک عمارت سے اُس وقت فائرنگ کا نشانہ بنایا گیا جب وہ یوٹاہ ویلی یونیورسٹی میں تقریر کر رہے تھے۔
رپورٹ میں بتایا گیا کہ چارلی کرک کو گردن میں گولی لگی جس کے بعد انہیں تشویشناک حالت میں اسپتال منتقل کیا گیا لیکن وہ دم توڑ گئے۔
اس واقعے پر ردعمل دیتے ہوئے ٹرمپ نے کہا کہ عظیم اور تاریخی حیثیت رکھنے والے چارلی کرک اب اس دنیا میں نہیں رہے۔
انہوں نے کہا کہ امریکی نوجوانوں کے خیالات چارلی کرک سے بہتر کوئی نہیں سمجھ سکا، چارلی کرک مجھ سمیت تمام لوگوں کے پسندیدہ شخصیت تھے۔
ڈونلڈ ٹرمپ نے اپنے پیغام میں چارلی کے اہلخانہ سے دلی ہمدردی کا بھی اظہار کیا۔
یاد رہے کہ چارلی کرک ایک قدامت پسند شخصیت تھے اور وہ امریکی صدر کے کافی قریبی ساتھی سمجھے جاتے تھے۔
چارلی کرک ‘ٹرننگ پوائنٹ یو ایس اے’ نامی تنظیم کے بانی بھی تھے، 2012 میں قائم کی گئی یہ تنظیم تعلیمی اداروں میں قدامت پسند نظریات کو فروغ دیتی ہے۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بیروزگاروں کیلئے بڑی خوشخبری؛ نوکریاں ہی نوکریاں!!! جانیں اپلائی کرنے کا مکمل طریقہ
30-نومبر،2025
