اتوار، 30-نومبر،2025
اتوار 1447/06/09هـ (30-11-2025م)

ٹرمپ نے قطری وزیراعظم کو اسرائیلی حملہ دوبارہ نہ ہونے کا یقین دلایا، امریکی مندوب

12 ستمبر, 2025 15:18

امریکی مندوب ڈوروتھی شیا نے کہا ہے کہ امریکی صدر ڈونلڈ ٹرمپ نے قطری وزیراعظم کو اسرائیلی حملے جیسا اقدام دوبارہ نہ ہونے کا یقین دلایا ہے۔

رپورٹس کے مطابق قطر میں حماس رہنماؤں پر اسرائیلی حملوں کے معاملے پر سلامتی کونسل کے ہنگامی اجلاس میں گفتگو کرتے ہوئے امریکی مندوب ڈوروتھی شیا کا کہنا تھا کہ ٹرمپ نے امیر قطر اور قطری وزیراعظم کو یقین دلایا ہےکہ ایسا واقعہ دوبارہ نہیں ہوگا۔

 انہوں نے کہا کہ ٹرمپ غزہ سے تمام یرغمالیوں کی رہائی اور جنگ کا خاتمہ چاہتے ہیں، ان کو یقین ہے کہ یہ امن کی جانب ایک موقع ہوسکتا ہے۔

ان کا کہنا تھا کہ امریکا یرغمالیوں کی رہائی، جنگ کے خاتمے اور انسانی امداد کی فراہمی کے لیے کام کرتا رہے گا۔

واضح رہے کہ اسرائیل نے 9 ستمبر کو قطر کے دارالحکومت دوحہ پر فضائی حملہ کرکے فلسطینی مزاحمتی تنظیم حماس کی مرکزی قیادت کو نشانہ بنایا تھا تاہم حماس کی مرکزی قیادت اس حملے میں محفوظ رہی تھی۔

Catch all the دنیا News, Breaking News Event and Trending News Updates on GTV News


Join Our Whatsapp Channel GTV Whatsapp Official Channel to get the Daily News Update & Follow us on Google News.

اوپر تک سکرول کریں۔