امریکی قدامت پسند تجزیہ کار چارلی کرک کے قاتل کی فیملی کا چونکا دینے والا بیان سامنے آگیا
WebDesk
13 ستمبر, 2025 12:30
امریکی قدامت پسند تجزیہ کار چارلی کرک کے قاتل کی فیملی کا چونکا دینے والا بیان سامنے آگیا
امریکی قدامت پسند تجزیہ کار اور ٹرمپ کے قریبی ساتھی چارلی کرک کے مبینہ قاتل کی شناخت سامنے آگئی ہے۔
غیر ملکی میڈیا کے مطابق فائرنگ کے واقعے میں ملوث شخص کی شناخت 22 سالہ ٹائلر رابنسن کے طور پر کی گئی ہے، رپورٹس کے مطابق ٹائلر کو ہتھیاروں کا شوق تھا اور وہ اکثر شوٹنگ رینجز کا رخ کرتا تھا۔
مبینہ قاتل کے اہلِ خانہ نے بیان دیا ہے کہ ٹائلر، چارلی کرک کو ناپسند کرتا تھا اور اسے نفرت سے بھرپور شخصیت قرار دیتا تھا۔ اہل خانہ کے مطابق وہ اکثر کرک کے خیالات پر برہمی کا اظہار بھی کرتا تھا۔
ذرائع کے مطابق ٹائلر یوٹاہ کے علاقے واشنگٹن میں واقع 6 کمروں کے ایک گھر میں رہائش پذیر تھا۔ اسے آئندہ منگل کو عدالت میں پیش کیا جائے گا، جہاں امکان ہے کہ اسے سزائے موت کا سامنا کرنا پڑے۔
واضح رہے کہ چارلی کرک کو گزشتہ روز یوٹاہ یونیورسٹی میں تقریر کے دوران اس وقت گولی ماری گئی جب وہ گن کنٹرول اور ہجوم پر فائرنگ کے حوالے سے خطاب کر رہے تھے۔
عینی شاہدین کے مطابق حملہ اچانک ہوا اور فائرنگ کے بعد ہال میں بھگدڑ مچ گئی۔
چارلی کرک صدر ٹرمپ کے قریبی ساتھی اور اسرائیل نواز سمجھے جاتے تھے, وہ ’ٹرننگ پوائنٹ یو ایس اے‘ کے بانی بھی تھے، جسے 2012 میں تعلیمی اداروں میں قدامت پسند نظریات کو فروغ دینے کے لیے قائم کیا گیا تھا۔
Catch all the دنیا News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
بیروزگاروں کیلئے بڑی خوشخبری؛ نوکریاں ہی نوکریاں!!! جانیں اپلائی کرنے کا مکمل طریقہ
30-نومبر،2025
