قطر پر اسرائیلی حملے کے بعد او آئی سی اجلاس کل ہوگا، وزیراعظم بھی شریک ہوں گے

قطر پر اسرائیلی جارحیت کیخلاف اسلامی تعاون تنظیم (او آئی سی) کے وزرائے خارجہ کا اجلاس کل دوحہ میں ہوگا۔

اسلامی تعاون تنظیم کے ہنگامی اجلاس میں مسلم ممالک کے وزرائے خارجہ شریک ہوں گے، وزیر خارجہ اسحٰاق ڈار اجلاس میں پاکستان کا موقف پیش کریں گے۔

اس موقع پر ممکنہ طور پر اسرائیلی جارحیت کا منہ توڑ جواب دینے کے لیے مشترکہ لائحہ عمل اپنانے کی قرارداد کی منظوری بھی متوقع ہے۔

15 ستمبر کو او آئی سی کا سربراہی اجلاس شیڈول ہے جس میں وزیراعظم شہباز شریف بھی شریک ہوں گے۔

وزیراعظم شہباز شریف کے ہمراہ اعلیٰ سطح کا وفد بھی قطر جائے گا۔